而家难请长假去长行程，所以一有长周末就想去旅行！台北
曼谷旅游无新意，今次试新嘢，去
槟城旅游。其实冇期望过马拉会有几正，但系朋友仔话槟城唔同架！市中心建筑好有特色，成个地方好怀旧好有味道，色戒都喺槟城拍。最重要系，嘢食又平又正咁话！
讲到咁吸引，就跟渠出发。结果，头尾去四日，中间嗰两日，把口未停过呀！地道嘢食好食到晕，一两蚊有交易嗰吓过份呀！
一起身，就走去食肉骨茶，康乃馨肉骨茶门口有蔡澜大大张相，应该冇走鸡！见佢好多个大汤煲系咁煲，老板话朝早七点半开始煲，起码煲足三个钟，卖到下昼两点半咋！一啖乌卒卒的汤入口，好香浓，劲大？猪骨，仲配埋油炸鬼，金菇，芋头饭之类一齐食，咁丰富的早餐，埋单，廿几蚊港纸一位，香港边度搵呀？
早餐咁劲，周围行吓帮助消化，去到槟城路，发现街边档堆满人，原来卖地道甜品煎蕊，梗系买返碗食，黄糖椰汁浸住斑兰糯米，似珍多冰的彩色条条，好清甜，个几马币，即系四蚊之嘛。
眨吓眼，又去新世界美食广场再食，讲得出的地道小食乜都有，刨冰劲多生果，仲有雪糕，大杯到呢，几个人一齐先搞得渠掂。
小食真系好正，尤其是街市里面一档娘惹甜品，用新鲜椰奶做，软糯烟韧，椰香天然，五毫子马币一件，超正！听闻每日三点半开，四点半就收档架喇。
市内仲有好多间怀旧茶室，我都去咗好多间，老板只会问你饮乜水，原来茶室只系负责嘢饮，再租位俾车仔档开铺，嘢食要分开叫。必食新生活茶室的猪杂粥，环滨茶室咖喱面，兴发茶室炒粿条，有咁正的档仔撑场，茶室老板真系唔使忧。
夜晚仲精彩，周围都有街边档。三条路大牌档开晒，想食乜都有，串烧（五毫子马币），猪肠粉，福建虾面，粉卷，蚝仔煎等等，因为款款一两蚊，最贵都系三几蚊，我哋叫到一台都系，食到捧住肚走。
槟城美食 
康乃馨肉骨茶：63格尼驱动器（电话：+60-12-5533927）煎蕊︰槟城路新世界︰102滇缅公路新生活茶室︰日本横街（辛特拉路）环滨茶室︰百年巷（55罗弄Seratus总飞行年）三条路大牌档︰三条路（普雷斯格雷夫道）
