话咁快黎到最后一日...虽然唔系好舍得, 但系留多一次就真系对个银包唔住,
哈哈~
但有样野一定要做番, 就系响酒店食早餐...其实酒店系包早餐的...时间系7-9:30am..
对于烂训既我黎讲实在太早...食早餐既地方其实只系距离我地间房30步~日日都经过..
室外有个露台..次次行过都好想出去影下相...可惜出去同返黎既时候都系闩左门的~
但系食早餐就可以出去喇, 哈~我系食个景..呵!!在朋友协助下最终都爬起身了..8:30am..
::室内::
::室外::
我要食既景, 哈哈~~
无化妆...=,=..不过对住呢个景真系几好呀, 好relax,
加上又凉凉地...好舒服呢~
早餐都系buffet形式, 正正常常啦...个bacon最好味呀!!
仲有任拎既yogurt都好味~
本来想去行下, 不过银根短缺..食完返去再训多阵..12nn check
out..
行李放响酒店, 就去
明洞旅游完成我地最后既planning喇~~
去明洞之前再行行我地住既东大门, 可能住呢度返而无乜影相~
楼下d
韩国旅游人日日玩到好high既disco jump...
唔知点解会有支火箭, 同埋晚晚都好多人响度斋坐既地方...
唔系净系东大门, 周围都好多人钟意坐响条街倾计, 应该系文化~
日日去东大门运动场站都经过既饺子店...硬系觉得咁样放出黎唔系咁卫生..
仲有度度都有既炒年糕..都谂过试...不过望入去..唔见有餐牌..只贴了韩文..
扫得最多货既hello apm~
洗左几十万既skinfood...不过无得退税, 如果唔系都几和味~
呢度夜晚有个女仔系中国人~~好方便...亦系呢个原因会买多左~哈!
酒店可以行去东大门站同东大门运动场站, 东大门系1,4号线,
运动场站就系2,4,5线~
视乎去边个目的地啦..大多数都系去东大门运动场站, 3条线好似方便一点~~
站入面指示清晰, 好多出口...睇清楚先出..
好多站入有呢d鞋铺...仲有卖衫...好似多到一定要你洗钱咁~哈哈!
亦都会有唔同牌子既化妆品店, 去过咁多个站, 最多既系THE FACE
SHOP~
:
-MONEY & ME::
站内既地图都好清楚~有英文..有D有埋中文~
入站后都仲有好多SHOP...全部都系卖女人野...鞋, 饰物,
衫等等~不过款式麻麻~
千叮万嘱!!!黎
首尔自由行一定要拥有
无比既脚骨力 !!!以下系搭地铁需知!!
左边系出口既楼梯, 右边系落去搭铁既楼梯~首先出口系全部都系楼梯, 都唔短架~
入站后系会有电梯, 不过!! 可能成个站只有一条上一条落, 当然大站就会好d...
但入到去可能未迫近自己既时候...都要迫住行楼梯...尽量落唔好上..真系好累..
我地都有个疑问...点解掘地掘咁深=,=...有几次行到想讲粗口仲会问边个发明楼梯?!!
入站, 嘟T-MONEY, 同香港嘟八达通一样!
唔同既系入既时候就会收钱~
因为就算搭1个站最少收W900, 所以一入就会扣左W900先,
如果去得远, 车费超过W900, 就会出站先再扣balance~
月台screen~
该线既铁路图...箭咀既系有得转线既站...要注意,
转线之间既路程有长有短...
睇书话虽然全部线都打通, 唔洗出站入站转车, 不过其实系两间公司经营...
同一个站转线未必近架, 都要行几长既路...我地第1日响钟路3街站就行到好累~
除非一定要转线, 非必要唔转线为妙~~
去到明洞最主要系睇下有冇咩漏买同食人参鸡, 条路终于整番好少少...
日光日白既明洞感觉不同~
韩国既化妆品店都反传统, 好多都系用男明星做代言人,
比女还要多~
黎到韩国点可以唔食人参鸡~我以前黎果阵都食过, 唔钟意人参既我都接受到~
而朋友系第1次黎, 更加要试下..去左书介绍既营养中心, 味道出名比较清~更岩我!
黎到...冇左既?? 原来搬左, 好彩有咁大个指示牌同地图~~
搵到喇~向前行一百米~搬左去海苔天国对面, 入去!!
::店内::
::MENU::有韩文, 英文, 日文及中文, 非常清楚!!
营养中心除左出名人蔘鸡, 仲有烤鸡都好出名~有大, 中, BB之分~
见到隔离台果D好大只, 怕食唔晒, 最后叫左人蔘鸡同烤BB鸡~
好快就有得食~~两个都好味呀! 一刚一柔~ 果然人蔘味的确唔算大,
如果好似我咁麻麻地人蔘, 但又想试, 食果阵可以点D淮盐食, 会好D~
足料!! 有人蔘仔, 糯米等...个汤都好清好好味~烤BB鸡都好好味,
唔油腻, 好香口~
俾你掉鸡骨的筒~~
好满足~~之后就食32CM雪糕, 去营养中心会路经的~
要排队, 个负责人系咁叫我派对...哈哈~GET唔到...
有9个味道, 我拣左绿茶, 朋友拣左YOGURT, 唔算甜几好味~
但系支雪糕俾我想像中短, 哈哈! 原来有入面可以坐的~~
最后一站 - o sulloc tea
house...话说我系绿茶/抹绿怪, 见我去宇治果阵发晒颠就知...
呢个tea house系专推茶的甜品等等, 主打系绿茶, 当然仲有其他花茶~
入到去到等一阵...店内~
有个corner位睇下d茶及茶具介绍~
仲有得买番去, 不过都贵...但有d好特别, 如朱古力茶,
d茶叶真系有朱古力味架~
::MENU:: 韩文,英文..d相好精致~同实物一样的!!
两个穷鬼用剩W10000, 岩岩好...W5000一个~
左边系GreenTea Tiramisu , 右边系Mini Jasmine~
其实两个都好味~~~当然
GreenTea Tiramisu 好味d!!
甜品柜, 大既 GreenTea
Tiramisu v
走lu~~又系小食档, 真系一街都系!
时间差不多就去机场喇,
行番去黎果阵落车既对面搭...d行李重左好多...要行下停下,好累...
::巴士站::
请到PART 2...附有退税资料及有韩服着既traditional
zone的介绍~
