平靓正地道食令我对
槟城旅游有好感，其实，行吓市中心，见到啲楼咁靓，窗花、柱全部雕花，花花地砖又有型，真系好花样年华呀。仲要系大部份街都系咁靓，愈行愈觉得时光倒流，拍戏一样。
两层高唐楼好似湾仔要保育嗰种战前楼，而槟城当地真系唔少旧楼系战前起好，唔系扮怀旧架，市中心乔治城直头入埋世界遗产名录！街头巷尾、茶室、大牌档……一张台一张凳都睇得出岁月痕迹。
马来西亚旅游
加上因为俾英国统治过，好多英式建筑，例如E&O酒店，直头成间半岛咁呀，房里面水晶吊灯、彩色玻璃都好靓，而且行落楼下就去到沙滩，环境好好呀。酒店喺1885年已经开幕，唔同国家的重要人物都系住呢度。
Eastern and Oriental Hotel 地址︰ 10 Lebuh Farquhar 电话︰ +60-4-2222000 网址︰
http://www.eo-hotel.com 全程我最钟意娘惹博物馆Perankan Mansion，系真真正正娘惹家族大宅，当年槟城最有钱有势力的华侨郑景贵(大佬嚟架)就住喺度，后人大部份移咗民，渠个孙将间屋连家俬、日用品，甚至首饰捐出，啲十九世纪英国花樽，睇到我眼都唔眨呀！睇嚟郑甲必丹(captain)当年真系好有势力，人人争住巴结佢咁喎。
间屋1894年建成，用料几讲究呀，用英国地砖、苏格兰雕花栏杆、中式木刻屏风，要几豪有几豪呀！佢个女用来路护肤品架！不过听闻女仔人家唔可以去街，日日困喺屋企，有咁多首饰、流声机，食几多好嘢都补唔番咯。
Perankan Mansion 地址︰ Lebuh Gereja 电话︰ +60-4-2642929
玩完四日，似时光倒流六十年，好好feel。想再去呀，如果复活节可以再飞就好咯...
旅行社出埋d咁平package.. 坐cx三日自由行,住三星就二千蚊.. 住E&O两晚PACKAGE,$3000咋!仲要住三晚送一晚添...太引诱喇.. . 谂吓... 去到当地食饭平到晕喎... 街边嘢全部几蚊款... 就算去食娘惹菜.. 贵极都只系一百蚊港纸.. 我唱咗一千蚊港纸都使唔晒..埋单平过
曼谷旅游呀..
