Day 1 -- 行程开始
仁川交通机场-> 早餐(乌冬) ->3小时车程出发去渡假村-> 午餐(香菇火煱)-> 龙平渡假村-> 雪山山项-> Free Time -> 晚餐(秘制烤烧猪肉) 工作人员~ 香港领队: Gigi + 韩国导游: 阿止+ 韩国见习导游: 亚宗+ 司机阿止格言: 「韩国d食物好健康, 通常健康既野都唔好食; 呢几日, 食饭时谂住食呢几餐系"维持生命" 就得架啦!」 离开左机场, 我地上左旅游车, 就开始我地既
韩国旅游啦~~ 因为我地得13人, 冇随团摄影师, 反而多左个见习导游帮手, 都好呀~~ 第一站, 去左食早餐... 韩国第一餐.. 就系食左个好普通既乌冬. 好彩冇食到个飞机餐, 唔系都唔知点食个早餐~~不过真系有团友飞机餐同早餐都食左, 劲~~
食饱左, 就要坐长途车啦, 坐3个钟去郊区既龙平渡假村; 即系我地当晚入住既地方啦~~ 上左车, 导游亚止简介左少少, 大家都开始攰到顶唔顺, 要训觉!! 长途车中途有个休息站俾大家落车去洗手间, 舒展下, well~~ 一落车, 我就想上返车啦~~冻冰冰, 车上有暖气嘛, hehe! 冇几耐, 食左一个午餐... 哗, 早餐都未落格, 就食午餐... 我开始担心呢5日会令我既体重暴增啊!! 午餐: 香菇火煱简介: 一煱猪肉+ 金菇+ 菜; 另加细细碟既Kimchi, 紫菜, 海带... (可refill)
仁川旅游Remark: 因为我地人少, 人地通当3-4个人一个火煱, 但突左我同Kin 2个, 所以之后每餐都系我地2个食一煱... 人地3-4人份量, 我地2个食...超饱!!! 每次都食剩好多...poor!! 导游带左我地去租衫、鞋、眼镜等, 第2日滑雪用既~~我地系咁试试试... 最终我地租左衫、鞋&眼镜, 除左手套. 因为Shamen 已经借左俾我地, 另外雪裤2条, 雪鞋一对, Thanks~~ Shamen's 赞助! ! 租完就入龙平渡假村Check in & 放低行李换好衫上雪山山顶!! 因为租0个对雪鞋, 系巨巨大版既波鞋, 行到好似机械人咁又超重,!! 咁我就着Shamen 借我对雪鞋上雪山, hoo hoo, 轻好多, 超轻松!! 岩岩租0个对鞋留返滑雪先用(后尾先知俾人呃左, 原来滑雪又有另一对鞋, 白白浪费左d钱去租一对鞋...) 龙平渡假村搭吊车上雪山山顶为自费行程, 每人12,000 WON.
吊车上影既, 个view唔错~~ 龙平渡假村雪山山顶上到山顶, 哗, 好好好靓啊!!!! 虽然系人造雪, 不过都好开心~~~ 人家都0系度狂影,影影影, 正~ 呢个时间开始系Free Time, 导游约我地夜晚7:30返酒店集合就各自散lu~~
以下几张系一个好热心既韩国滑雪人帮我地影既, 我地只系帮渠影左一张相, 渠就系咁帮我地搵境谂Pose帮我地影, Haha, 都影得唔错wo, thanks!
Free Time 时间, 好多人都返房休息; 我地本身都谂住0系渡假村内行下, 点知返到房唔经唔觉就训左...果然夜晚唔训系顶唔住咁耐ga ... 晚餐: 秘制烤烧猪肉地点: 龙平渡假村内简介: 火煱形式, 都系猪肉同菜; 但系d猪系好好味, 腌到入哂味, 正!!
食饱饱, 见时间尚早, 就去左Family Mart 行下买下野! 有Saru 最爱既香蕉~~ (纸盒包装, 好特别啊!!)
渡假村内外都影影影...
